«Сыллата дьыл баччатыгар маннык буолааччы», - дэһэллэр олохтоохтор. Оттон Үөдэй нэһилиэгин дьаһалтатыгар иһитиннэрбиттэринэн, өрүһүнэн суолу Саҥа дьыл чугаһыгар, ол кыаллыбатаҕына, тохсунньуга оҥоруохтара үһү. Онон Иһит, Кытыл Дьура, Үөдэй олохтоохторо үөрүйэхтэринэн, туһаайыынан сирдэтэн айанныырга күһэллэллэр, лаппаакыта, троһа суох массыынаҕа олорботтор.

Бэҕэһээ «Саха сирэ», «Якутия» хаһыаттар редакцияларын бөлөҕө сурутуу хампаанньатынан Үөдэйгэ уонна Сиинэҕэ үлэлээтэ. «Саха сирэ» хаһыат суруналыыстарын массыыната Сиинэ аннынан иккитэ хаарга батылла сырытта. Ону Сиинэ олохтооҕо, «Якутскэнерго» үлэһитэ Василий Мамаев тыраахтарынан состорон абыраата. Редакция үлэһиттэрэ киниэхэ махталларын тиэрдэллэр.

Бүгүн кылаабынай редактор Чокуур Гаврильев салайар «Саха сирэ» хыһыат айар бөлөҕө II Малдьаҕар, Нөмүгү нэһилиэктэр олохтоохторун кытта көрсүһүүлэри тэрийиэҕэ.