Вера Макарова Сиэйэ уолун дьыалатын хат көрбүт Үрдүкү суут саалатыттан матырыйаал оҥордо. Тыгын Дархан туһунан ыытыллыбыт "төгүрүк остуолу" Гаврил Андросов сырдатта.

«Дьулурҕан» сыһыарыыга икки балаһа тухары «Триумф» спортивнай кииҥҥэ ыытыллыбыт сахалыы многоборье туһунан репортаж тахсыбыт.

«Эдэр саас» хаһыат бастакы балаһатыгар Сайсары Куо аҕата Степан Семенов туһунан документальнай киинэ презентациятыттан санаалар тахсыбыттар.

Аныгы үйэҕэ киэҥник тарҕаммыт сүрэх-тымыр ыарыыларыттан хайдах харыстаныахха сөбүн туһунан «Чэбдик» сыһыарыыга суруллубут. «Саха ыала» сыһыарыы күннээҕи олоххо, хайдах тутта-хапта сылдьарга кэккэ сүбэлэри биэрэр. Ол курдук, сарсыарда уһуктаат, бэйэҥ мөссүөҥҥүн сиэркилэҕэ көрөөт мичээрдээ диэбиттэр. Мичээрдээҥ уонна «Саха сирэ» хаһыаты ааҕыҥ.