«Ыалдьыт сэргэтэ» рубрикаҕа Кыайыы ырыаһыта Александр Самсонов интервьютун ааҕыҥ.

Анал балаһаҕа биһиги республикабыт 25 Сэбиэскэй Сойуус Дьоруойун хаартыскалара, туох иһин Дьоруой үрдүк аатын ылбыттара кэпсэнэр.

Саха сирэ сэрии сылларыгар Улуу Кыайыыга кылаатын туһунан кыраайы үөрэтээччи Панкратий Петров матырыйаала ааҕааччыга, учууталларга инникитин даҕаны олус көмөлөөх буолуоҕа. Саха сирин биир олохтооҕо ортотунан 169 солк. Оборона фондугар укпут, ити Татар уонна Башкир АССР-тан икки төгүл элбэх эбит.

Сырдык тыыннарын толук уурбут буойуннар көмүс уҥуохтарыгар аймахтара тиийэн сүгүрүйэллэр. Ол туһунан ыстатыйалар «Саха сирэ» хаһыакка тиһигин быспакка тахсаллар.

1944 сыллаахха Германияҕа Лары куоракка төрөөбүт, билигин Дьокуускай куоракка олорор Виталий Ионин интэриэһинэй дьылҕатын кытта билсиҥ.

Интернет сайтарга аймахтаргыт туһунан матырыйааллары, сибидиэнньэлэри булуоххутун сөп. Ол туһунан сүбэни-аманы учуонай Григорий Саввинов биэрэр.

«Эдэр саас» бастакы балаһатыгар аспирант Александр Винокуров сэрии туһунан «Албан аат» диэн сайтын кытта билиһиннэрэр. 

«Дьулурҕан» сыһыарыыга ыам ыйын 7-10 күннэригэр Дагестан Каспийскай куоратыгар буолар көҥүл тустууга Россия чемпионатын көрсө Петр Павлов ырытыытын ааҕыҥ.