Коллектив тумус туттар киһитэ, Сергей Зверев үөрэнээччитэ, бу сотору кэминэн 80 сааһын туолаары сылдьар Семен Иннокентьевич Иванов тойук араас көрүҥүн иһитиннэрдэ, Светлана Егоровна Кириллина оҕолору бөлөҕүнэн уһуйууга үлэтин, Геннадий Петрович Харлампьев саха народнай инструменнарыгар оонньооһуну, Маргарита Егоровна Григорьева уһуйааччы быһыытынан оҕону кытта үлэтин, Раиса Николаевна Петрова баай быыстапкатын, Ньургуйаана Прокопьевна Петрова тойук туойуутун, Светлана Тарасовна Иванова коллектив үлэтин билиһиннэрдилэр.

Бу курдук араас идэлээх дьоммут кэлэн улахан талааннарын арыйан, баай уопуттарын үллэһиннилэр, В.О. Каратаев «Модун Эр Соҕотох» олоҥхоттон быһа тардыыны иһитиннэрдилэр.

Бу үгүс үтүө үгэстээх коллектив бэйэтин тула 200-тэн тахса норуот талааннаахтарын мунньан, төрөөбүт улуустарын дьонун-сэргэтин улуу олоҥхобутугар уһуйан, кини киэҥ киэлитигэр киллэрэн, дьон өйүгэр-санаатыгар сиэрдээх быһыы-майгы, кэрэҕэ, сырдыкка дьулуһуу олохсуйарыгар үлэлиирэ кэрэхсэбиллээх эрэ.