Оҥорон таһаарааччыларга сыана үрдээһинэ охсуулаах буолуоҕа. Онуоха кинилэр эрдэ түһэрсибит дуогабардара онно оруоллааҕын бэлиэтииллэр. Маныаха “Росчайкофе” чэйи уонна кофены оҥорооччулар уонна хааччыйааччылар түмсүүлэрин салаатын ассоциациятын генеральнай директора Рамаз Чантурия быһаарарынан, оҥорон таһаарааччылар сыананы өр тутар кыахтара суох.

Чэй уонна кофе үксэ тас дойдуттан аҕалыллар эрээри, 85 бырыһыана Россияҕа сууланар, хааланар.Оттон Россияҕа чэйи Краснодарскай кыраайга эрэ олордоллор. Үүннэрэн ылыы кэмчи, ырыынак 0,02 бырыһыанын эрэ ылар.

Россия потребителлэрин сойууһун председателэ Петр Шелищ табаар 30 бырыһыан үрдээтэҕинэ, атыы-эргиэн үлэтин сокуонугар олоҕуран, бырабыыталыстыба сыананы хааччахтыыр эбээһинэстээх диир. Ол гынан баран, маннык сокуон өссө туттуллан көрө илик эбит.

“Росчайкофе” дааннайдарынан, ааспыт сылга тас дойдуттан 171,5 тыһыынча тонна чэй аҕалыллыбыт. Сүрүннээн Шри-Ланка, Индия, Кения чэйдэринэн хааччыллар эбипппит. Оттон кофе 124 тыһыынча тонна, үксэ Вьетнамтан, Бразилияттан, Индонезияттан аҕалыллыбыт.