Сиикэйдии ыыһаммыт халбаһыыга сыана ортотунан 22-30% үрдээтэ, сетевой маҕаһыыннарга, ырыынактарга сыана 485 солк. 807 солк. диэри халбаҥныыр.

Балыкка сыана аһара үрдээбэтэх. Сорох сиргэ 126 солк., атыттарга 262 солк.

Ыыһаммыт балык сыаната 13% аччаабыт уонна киилэтэ 213 солк. 609 солк. диэри халбаҥныыр. Тууһаммыт балык 8,16%чэпчээбит эбит буоллаҕына, үгүс маҕаһыыннарга 30% үрдээбит.

Үүт аһылыкка сыана табаартан уонна атыыланар сириттэн быһаччы тутулуктаах. Ынах арыытыгар сыана кэлиҥҥи үс нэдиэлэ иһигэр 15-25% ыараабыта бэлиэтэнэр. Билиҥҥи сыаната 338-425 солк. диэри халбаҥныыр.

Сүөгэй сыаната 175-205 солк. диэри араастаһар, холобур, ырыынакка биир лиитэрэтэ 225 солк. Ортотунан эмиэ иэдьэгэйгэ курдук 17% эбилиннэ.