Саха сириттэн тиийэ сылдьыбыт делегация кэпсэтиитин түмүгэр "Шанпиньхэ" уонна "Алинда" компаниялары кытта хантараак түһэрсиллибитэ. Россия ветеринардара эт хаачыстыбатын ситэри чинчийиэхтэрэ. Ол кэнниттэн сибиинньэ этин Саха сиригэр аҕалыахтара.

Россияҕа бобуу киириэн иннинэ сибиинньэ этэ Саха сиригэр Европа дойдуларыттан аҕалыллар этэ. Хабаровскай кыраай 4 тыһ.тонна эти эмиэ Кытай бу тыа сирдэриттэн ыларга хантараагы түһэрсибит.

Икки эрэ компанияттан буолбакка, 11 тэрилтэттэн эти атыылаһарга Кытай этии киллэрдэ.

2004 сыл кэнниттэн уон сыл буолан баран аан бастаан алтынньы 11 күнүгэр 800 тонна эти 32 контейнерга тиэйдилэр. Кытайга үлэлиир Росельхознадзор үлэһиттэрэ эт хаачыстыбатын бэрэбиэркэлииллэр.