ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

27 мая 2014, 17:44

«Сибирь» - сибиинньэни иитэр хаһаайыстыба Саха сиригэр инники кирбиигэ иһэр


Ыам ыйын саҕаланыыта РФ-ҕа тыа хаһаайыстыбатын министиэристибэтиттэн үөрүүлээх сонун кэлбитэ. «Сибирь» бааһынай хаһаайыстыба бөдөҥ, үрүҥ боруода сибиинньэни буоһатар анал туругун быйыл эмиэ бигэргэттэ. Ити туһунан СР тыа хаһаайыстыбатын пресс-сулууспата эттэ.

«Сибирь» сибиинньэни иитэр хаһаайыстыба 1995 сыллаахха Марха бөһүөлэгэр биэс сибиинньэлээх аан бастаан үлэтин саҕалаабыта. Салайааччы Владимир Кабохин төбө ахсаанын 4,5 тыһ. таһаарбытын таһынан буоһатыыга көдьүүстээхтик үлэлиир.  

photoByWidth&id=6129&width=1000

- Владимир Филиппович, хаһаайыстыба туһунан кэпсээ эрэ.

В.Ф.: Бөдөҥ, үрүҥ боруоданы ууһатар үчүгэй сибиинньэлэрдээхпит. Эттээх-сыалаах боруода. Итини таһынан «Ландрас» уонна «Дюрок» диэн икки эт боруоданы тутабыт.

2000 сыллар саҕаланыыларыгар тыа хаһаайыстыбатын министиэристибэтэ Красноярскай кыраайтан сибиинньэ оҕолорун аҕалбыта. Биһиги фермабытыттан республика араас муннуктарыгар сибиинньэни киэҥник хабан тарҕаппыппыт. Иккитэ Красноярскайтан уонна Тюменьтан хряктары аҕалбыппыт. Быйыл Ижевскай куораттан атыылаһар былааннаахпыт. Тыа хаһаайыстыбатын министиэристибэтэ тырааныспар ороскуотун уйуммута.

Сибиинньэни ууһатар, буоһатар анал туругу өссө 2001 сыллаахха ылбыппыт. 2008 сылтан ыла ити турукпут биэс сылга диэри уһатыллыбыта.

- Хаһаайыстыба оҥорон таһаарар бородууксуйатыгар дьон наадыйыыта төһө улаханый?

В.Ф.:  Республика бары улуустарыгар хрячкаларга уонна свинкаларга нэһилиэнньэ олус наадыйар. Дьокуускай тула баар бөһүөлэктэргэ, Нам, Хаҥалас улуустарыгар сибиинньэлэри тиэрдэбит. Горнай, Илин Эҥэр улуустарга диэри тиийиэхпитин баҕарабыт. Сунтаарга, Уус-Алдаҥҥа, Мэҥэ-Хаҥаласка хамаҕатык атыылаһаллар. Онон, наадыйыы улахан диэн бигэтик этиэххэ сөп.

- Владимир Филиппович, фермер бүгүҥҥү саамай улахан кыһалҕата тугуй?

В.Ф.: Электричество, уматык, газ иһин үлүскэн үбү төлүүбүт. Оттон эккэ сыана киһи күлүөн курдук чэпчэки. Республика тас өттүттэн аҕалыллар эт сыанатыгар тэҥнииллэр.

Астыыр тэрилтэ мин оҥорон таһаарар эппин 1 кг 230 солкуобайы сыаната ыарахан диэн ылбат. Химиянан араас сытынан, амтанынан «ситэриллибит-хоторуллубут» эти чэпчэкитик ылар. Бразилияттан уоннна Аргентинаттан аҕалыллыбыт сибиинньэ кутуругунан, атаҕынан оҕо садтарын, оскуолалары, байыаннай чаастары барытын тилэри хааччыйдылар. Биһиги олохтоох оҥорон таһаарааччылар онно кыратык да кыттыһар кыахпыт суох.

Омук дойдуттан кэлэр сибиинньэ этэ Москваҕа 1 кг. 70-75 солк. атыыланар. Африка чуматынан сүһүрүү куттала суоһуур диэнинэн Россия элбэх уобаластарыгар чааһынайдарга сибиинньэни букатыннаахтык эстилэр.

Тыа хаһаайыстыбатын бородууксуйатын оҥорооччуларга уокка, газка, уматыкка, чоххо, ууга, о.д.а. чэпчэтии үөскэтиллиэхтээх. Тырааныспарга эмиэ.

Олохтоох табаарынан оҕо садтарын, оскуолалары хааччыйыахтаахпыт.

При частичном или полном использовании материалов гиперссылка на сайт ysia.ru обязательна.
Категория: Подробно Просмотров: 3540 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ