«Республика тас өттүттэн атыылаһар биһиэхэ барыһа суох. Бэйэбитигэр олордорбут ордук», - диэтэ кини.

Миниистир итиниэхэ сыһыаннаан сири тиэрэр тиэхиньикэни атыылаһарга субсидия көрүллүөхтээҕин туһунан эттэ. «Хас ыал аайы билигин тыраахтар баар, оттон үс үлэни тэҥинэн оҥорор аныгы аналлаах тиэхиньикэ суох», - диэтэ кини.

Итинник аналлаах тиэхиньикэни атыылаһарга квота 20 мөл. солк. диэри тиэрдиллибит. Үс сыл аннараа өттүгэр итиниэхэ 3 мөл. солк. көрүллүбүтэ. Быйылгы сааскы ыһыы, уопсайынан хонуу үлэтигэр республика бюджетыгар 165 мөл.солк., оттон федеральнай бюджеттан 108,2 мөл. солк. тыырыллыбыт.

Ыам ыйын 29 күнүнээҕи туругунан былааннаммыт сиртэн 6282 га сир, ол иһигэр сэлиэһинэй - 877 га, дьэһимиэн - 1974 га, эбиэс - 3431 га сиргэ ыһыллыбыт. Сүөһү аһылыга 2046,5 гектарга, хортуоппуй 3197,3 га, аһаҕас сиргэ оҕуруот аһа 626,2 га сиргэ үүннэриллибит. Ити туһунан министиэристибэ пресс-сулууспата иһитиннэрдэ.