Быйыл кинилэр үһүс сылын Ленин болуоссатын муус оҥоһуктарынан киэргэттилэр. Үлэлэрин ахсынньы 10 күнүттэн саҕалаабыттара. Сахалыы тыыннаах «Муус куорат» олохтоохтор биһирэбилин ылла. Дьэрэкээн уоттарынан тыктарыллан кустук араас өҥүнэн суһумнуу оонньуур муус оҥоһуктар Саҥа дьыл алыбын саҕаллар. Аарка икки өттүгэр сахалыы бэлиэлээх ыйдар, куорат киин харыйатын таһыгар сахалыы оһуордаах таҥастаах Чысхаан уонна Хаарчаана, хаар булгунньах үрдүгэр 2015 сыл бэлиэтэ саха чубукута, муус аттаах бухатыырдар көрөөччүлэри бэйэлэрин мындыр оҥоһууларынан үөртүлэр. Маны сэргэ, оҕолор хатыыскалыыр хаар сыырдара, каток оҥоһулунна.

Ньурбаҕа халлаан сылыйан турар кэмэ буолан, «Муус куорат» дьон-сэргэ, оҕо-аймах сөбүлээн сынньанар, бырааһынньык үөрүүтүн үксэтэр сирдэринэн буолла.