Уһук Илиҥҥи региоҥҥа олохсуйа барааччыларга бэриллэр сир кээмэйэ 1 гектартан улахан буолуон сөп

Уһук Илиҥҥи региоҥҥа олооро уонна онно көһөн барар дьоҥҥо 1 гектар сир босхо бэриллиэн сөп. РФ бырабыыталыстыбатын бэрэссэдээтэлин солбуйааччы – Уһук Илиҥҥи региоҥҥа РФ президенин боломуочуйалаах бэрэстэбиитэлэ Юрий Трутнев дойду президенигэр Владимир Путиҥҥа бу боппуруоһу туруоруста.

Уһук Илиҥҥи регион хас биирдии олохтооҕор уонна онно көһөн барар дьон ылбыт сирдэригэр тыа хаһаайыстыбатынан, бултааһынынан, о.д.а. дьарыктаныахтара.

Бэриллэр сир кээмэйэ 1 гектартан улахан буолуон сөбүн туһунан РФ Уһук Илиҥҥи региону сайыннарыы миниистирэ Александр Галушка тохсунньу 20 күнүгэр буолбут пресс-конференцияҕа ТАСС информационнай агентствоҕа эттэ.

«Уһук Илиҥҥи региоҥҥа көһөн барар дьоҥҥо бэриллэр сир кээмэйэ 1 гектартан улахан буолуон сөп. Бэриллэр сир хаһаайыстыбаннай наадыйыыга туһаныллыахтаах, - диэтэ Александр Галушка.

Владимир Путин Юрий Трутнев этиитин ситэри ырытарга сорудахтаата.

При частичном или полном использовании материалов гиперссылка на сайт ysia.ru обязательна.

Категория: Политика Просмотров: 1453 Источник: ЯСИА Автор: СИА

Версия для печати

Вернуться на главную

Подписаться на обновления