Ол курдук, былааннаммыт 120 тэрээһин оннугар 310 араас тэрээһини ыыппыттар. Онно 3600 киһи кыттара былааннаммытыттан уонтан тахса тыһ. киһи кыттыбыт. 24 тыһ. көрөөччү оннугар 62 тыһ. көрөөччү сылдьыбыт.
16 маастар-кылаас, семинар тэрийэргэ былааннаныллыбытыттан 45 ыытыллыбыт. 47 быыстапкаҕа 10 тыһыынчаттан тахса киһи сылдьыбыт.
Норуоттар доҕордоһууларын дьиэтигэр 72 киһи үлэлиир. Үлэһиттэр орто хамнастара 37 тыһ. 280 солк. 8 образцовай ансаамбыл, 32 айар коллектив сылы быһа дьарыктаналлар.
Арктика сылыгар аҕыйах ахсааннаах хотугу норуоттарга анаан элбэх тэрээһин ыытыллыбыт. Халандаарынан көрөн, итэҕэл уонна араас омуктар бырааһынньыктарын тэрийбиттэр. Ааспыт сылга араас быыстапкалар («Вышитая картина», «Бисер Севера», «Косторезное искусство», “Пространство кукол», «Якутия мастеровая» о.д.а.) дьон болҕомтотун тардыбыттар.