Тэрээһиҥҥэ элбэх куорат олохтоохторо муһуннулар, саалаҕа биир да олорор миэстэ суох.

«Бырааһынньыкка анаан улахан театрализованнай туруоруу бэлэмнээтибит. Манна народнай уонна холобурга сылдьар айар коллективтар уонна омуктар түмсүүлэрэ кытыннылар», - диэтэ норуоттар доҕордоһууларын Дьиэтин генеральнай директора Яна Игнатьева.

Саха сирин норуоттара сылтан сыл аайы сүүнэ культурнай баайы мунньаллар. Доҕордоһуу Дьиэтэ киһи омугуттан, тылыттан уонна итэҕэлиттэн тутулуга суох сокуонун тутуһар. «Русь», «Мозаика», «Сюрприз», «Тетрис» уонна Егоровтар студиялара курдук айар коллективтар республика элбэх национальностаах олохтоохторун куруук үөрдэллэр.