- Олунньу 6 күнүгэр орто кылаас уолаттарыгар мини-футболга Томпотооҕу гимназия, Хаандыга, Мэҥэ-Алдан, Кириэс Халдьаайы, Ыҥаа, Саһыл орто оскуолаларын хамаандалара оонньоотулар. Бэйэ-бэйэни хотуһуу түмүгэр бүтэһик оонньууга диэри ким чемпион буолуохтааҕа биллибэт этэ. Быһаарыылаах киирсиигэ Саһыл хамаандата Мэҥэ-Алдаҥҥа хотторон, үһүс миэстэҕэ тэбилиннэ. Томпотооҕу гимназия бастакы, Хаандыга хамаандата иккис буоллулар.
- Иккис күнүгэр дуобакка аҕыс оскуола күрэстэстэ. Манна 25-27 үөрэнээччилэрдээх Арыы Толоон уонна Үөгэн ситэтэ суох орто оскуолалара кыттыбыттарын бэлиэтиэххэ сөп. Кириэс Халдьаайы №1 хамаандата бастакы, Мэҥэ-Алдан хамаандата иккис, Арыы Толоон хамаандата үһүс буоллулар.
- Улахан кылаас уолаттарыгар мини-футболга күрэхтэстилэр. Манна Тополинай орто оскуолатын үөрэннээччилэрэ чемпионакка кыттаары 300 км айаннаан кэллилэр. Күрэхтэһэр улахан уопуттара суох эрээри, үчүгэйдик оонньоотулар. Түмүккэ Томпотооҕу гимназия бастакы, Кириэс Халдьаайы хамаандата иккис, Мэҥэ-Алдан хамаандата үһүс буоллулар.
- Кыайыылаахтарга мэтээллэри уонна грамоталары туттардылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети