Көрсүһүү кэмигэр премьер-миниистир уонна нэһилиэк баһылыктара бөрөлөрү утары охсуһуугы ылыллар миэрэлэри ырыттылар. Сыл аайы иабаны иитэр хаһаайыстыбалар адьырҕалар буулааһыннарыттан элбэх сүтүктэнэллэр. Правительство бэрэссэдээтэлэ уонна нэһилиэктэр баһылыктара бөрөлөрү ытаалааһыҥҥа авиацияны туһанар көдьүүһэ кыра уонна олус сыаналаах диэн санааҕа кэллилэр. Галина Данчикова итиннэ туттуллар ньмалар атын буолуохтаахтарын ыйда уонна кэбээйилэр булчуттарга уонна табаһыттарга наадалаах сэбинэн-сэбиргэлинэн хааччыйыыга болҕомто уурарга этиилэри өйөөтө. Министрдэр кабинеттарын баһылыга, правительство муниципалитеттары бу суолталаах боппуруоска үп-харчы өттүнэн өйүүр кыахтары ырытыаҕа диэтэ.

Улуус баһылыга Игнатий Спиридонов улуус территориятыгар үлэлиир промышленнай тэрилтэлэри кытта сыһыаннары таарыйда. Бу боппуруоска, диэн бэлиэтээтэ правительство бэрэссэдээтэлэ, барыта, туох-ханнык иннинэ, оройуон администрациятын салалтатыттан, кини тэрилтэ салайааччыларыгар төһөнөн юридическай өттүнэн сөптөөхтүк, сүрүнэ, олохтоохтук официальнай докумуоннары оҥороруттан тутулуктаах, диэн бэлиэтээтэ. "Сэһэргэһии психологиятын уларытыахха наада. Бэйэ сирин-уотун интэриэһин биир сүрүннээхтик уонна чахчылаахтык туруулаһар сөптөөх", - диэтэ Галина Данчикова.

Көрсүһүү кэмигэр туруоруллубут өссө биир боппуруоһунан Сэбээн-Күөлгэ дьиэ тутуута буолла. Нэһилиэк баһылыга премьер-миниистир бары өттүнэн толору хааччыллыылаах дьиэни тутар санаатын эппитигэр сөбүлэстэ. Өскөтүн, холобур, бу Сэбээн-Күөлгэ канализационнай систиэмэ суох буоллаҕына, толору хааччыллыылаах дьиэни тутар тоҕооһо суох. Галина Данчикова Аллараа Халыма Походскай бөһүөлэгэр сырыттаҕына, олохтоохтор итинник дьиэлэри туппаттарыгар көрдөспүттэрэ. «Тоҕо» диэн соһуйан ыйытыыга харда кылгас буолбут: «Канализацияҕа тимириэхпитин баҕарбаппыт. Уот уонна киининэн ититиллии эрэ баар буоллун».

Кэбээйи улууһун баһылыктарын делегацията Галина Данчиковаҕа тус бэйэтигэр, республика правительствотыгар болҕомтолорун, өйөбүллэрин иһин махтаннылар.