Оройуоҥҥа сыллата сүүһүнэн бөрө өлөрүллэр да, көҕүрээбит сибикитэ биллибэт. Бөрө табалаах, аһылыгын булунар сириттэн арахсыбат, ол да иһин таба ахсаана күнтэн күн аччаан иһэрин туһунан табаһыттар кэпсииллэр.

3-4 сыллааҕыта 12,5 тыһ. табалаах хаһаайыстыбалар бүгүҥҥү күҥҥэ 9 833 табалаахтарын туһунан отчуоттууллар. Ааспыт сыл бу кэмигэр оройуон сиригэр-уотугар 250 бөрө баара, бүгүҥҥү туругунан 302 бөрө баарын сводкаҕа көрдөрдүлэр.

Ардай аһыылаахтар сыл саҥатыттан 122 дьиэ табатын тардыбыттар, оттон төһө тайаҕы, кыыл табаны суох оҥорбуттара ахсааҥҥа ылыллыбат. Бөрөнү бултааһын урукку сыллар курдук салҕанан барар, бу сылга киирэн баран 26 бөрө бултанна. Ордук элбэх бөрө Учур хайаларын быыстарыгар Тыркандаҕа, Угиноҕа, Иджеккэ, Гынымҥа, Төмтөөн өрүс сүнньүгэр баара билиннэ. Соторутааҕыта “Иджек” община аттыгар баар көмүс хостооччулар артыалларын үлэһиттэрэ вертолетунан сылдьан 3 бөрөнү бултаабыттарын өссө биир бөрөлөрө куоппутун туһунан эттилэр.

Аҕыйах кэмҥэ, суол сабыллыан иннинэ, “Госохотохрана” үлэһиттэрэ көмөҕө кэлиэхтээхтэр.