Егор Неймохов аатын сүгэр Мэҥэ Алдан орто оскуолатын нуучча тылын уонна литературатын учууталларын методическай холбоһуга бырайыак оҥорон улууска нуучча тыллаах оскуолаларга Егор Петровичка анаммыт тэрээһиннэри ыыталлар. Ол курдук, 9-11 кылаастарга суруйааччы олоҕун уонна айымньыларын билиһиннэрэр ааҕааччылар конференцияларын РФ уопсай үөрэхтээһинин бочуоттаах үлэһитэ, суруйааччы балта Татьяна Неймохова уонна СР үөрэҕин туйгуна Вера Жиркова ыыталлар.

Оттон 7-8 кылаастарга «Барыта миэнэ» диэн Егор Петрович кэпсээнин үөрэнээччилэр нууччалыы тылбаастаабыттарын СР үтүөлээх учуутала Зинаида Тарасова 5-6 кылаастарга билиһиннэрэр.

Кинилэр Томпотооҕу гимназияҕа уонна Ыҥаа орто оскуолатыгар сырыттылар.