- Тэрээһиҥҥэ конференцияны көҕүлээн тэрийбит тыа хаһаайыстыбатын наукатын доктора, РФ уонна СР наукатын үтүөлээх деятелэ, профессор Афанасий Чугунов, СР агро-оскуолаларын түмсүүтүн толорооччу директора Николай Жирков уо. д.а. кытыннылар.
- Конференция уон секциянан үлэлээтэ. Абый, Муома, Дьааҥы, Үөһээ Халыма оскуолаларыттан барыта 100 үлэ киирбитэ. Онтон 41 үлэ кэтэхтэн кыттыбыта.
- Секцияларынан үлэ кэнниттэн Афанасий Чугунов, Николай Жирков оҕолор үлэлэрин ырыттылар, алҕастарын ыйдылар, салгыы ханнык хайысханан үлэлиэхтэрин сөбүгэр сүбэ-ама биэрдилэр уонна дипломнары, конференцияҕа кыттыбыттарын туһунан туоһу суруктары туттартаатылар. Улуус дьаһалтатын бастакы солбуйааччы Владимир Ильин үөрэнээччилэргэ тыа сирин сайыннарыыга айымньылаахтык үлэлэһиҥ диэн туран, кыайыылаахтарга баһылык харчынан бириэмийэлэрин туттарда.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети