Кулун тутар 20 күнүгэр «Кыайыы 50 сыла» спорткомплекска быйыл 59-с төгүлүн ыытыллыбыт Культура уонна спорт эстафетатын кыайыылаахтара Манчаары Баһылай төрөөбүтэ 2010, улуус төрүттэммитэ 85, Улуу Кыайыы 70 сылларын уруйдуур ырыалары ыллаатылар, хоһооннору аахтылар, саллааттар үҥкүүлэрин көрдөрдүлэр. Сарсыарда 11 чаастан саҕаламмыт кыайыылаахтар кэнсиэртэрэ киэһэлик 16.00 саҕана түмүктэннэ. Уопсайа 800-тэн тахса киһи кытынна.

Нэһилиэктэр баһылыктара бастыҥ устудьуоннарга анал стипендиялары үөрүүлээх быһыыга-майгыга анааһыннара тэрээһин биир сүрүн чааһынан буолла. Алтан нэһилиэгиттэн Күннэй Сидорова (Гражданскай көмүскэнии академията), Араҥастан Ньургуйаана Стручкова (культура колледжа), Баатараттан Афанасий Баишев (Дьокуускайдааҕы индустриальнай-педагогическай колледж), Бүтэйдээхтэн Светлана Иванова (ХИФУ, математическай институт), Бэдьимэттэн Татьяна Захарова (ХИФУ инженернэй-техническэй факультет), Догдоҥоттон Артур Карамзин (15-с №-дээх профессиональнай лицей), Дойду нэһилиэгиттэн Марфа Колодезникова (Дьокуускайдааҕы медицинскэй колледж), Доллуттан Василий Власов (Дьокуускайдааҕы государственнай инженернэй-техническэй институт), Дьабыылтан Петр Березин (ХИФУ физическай культураҕа уонна спортка института), Дьаҥхаадыттан Гаврил Стручков (Дьокуускайдааҕы тыа хаһаайыстыбатын государственнай академията), Майаттан Александр Васильев (педагогическай институт), Мэҥэ нэһилиэгиттэн Игорь Дьяконов (Дьокуускайдааҕы тыа хаһаайыстыбатын академията), Мөҥүрүөнтэн Семен Гоголев (ХИФУ, техническэй института), Мэлдьэхситтэн Саргылаана Колесова (Дьокуускайдааҕы тыа хаһаайыстыбатын академията), Мооруктан Степан Сосин (ХИФУ, биолого-географическай факультет), I-кы Наахара нэһилиэгиттэн Валерия Трофимова (ХИФУ, физкультурнай институт), II-с Наахараттан Петр Марков (Аллараа Бэстээхтээҕи транспорт техникума), Нөөрүктээйиттэн Мария Скрыбыкина (Медицинскэй колледж), Аллараа Бэстээхтэн Сергей Оданец (ХИФУ, геологоразведочнай факультет), Ороссолуодаттан Туйаара Александрова (ХИФУ, медицинскэй институт), Тараҕайтан Айал Бурнашев (ХИФУ, биолого-географическай факультет), Томтортон Станислав Соловьев (Намнааҕы педагогическай колледж), I Тыыллыматтан Николай Васильев (Культура колледжа), II Тыыллыматтан Екатерина Григорьева, Төҥүлүттэн Петр Заровняев (Дьокуускайдааҕы тыа хаһаайыстыбатын академията), Хаптаҕайтан Елена Лыткина (ХИФУ, филологическай факультет), Хараттан Айталина Михайлова (Дьокуускайдааҕы педагогическай колледж), Ходороттон Варвара Соловьева (Хабаровскайдааҕы үп-харчы уонна быраап академията), Холгуматтан Дьулустаан Попов (Аллараа Бэстээхтээҕи транспорт техникума), Хорообуттан Владимир Скрябин (транспорт техникума), Чыамайыкы нэһилиэгиттэн Айыына Архипова (ХИФУ, естественнай наукалар институттара) стипендиялары туттулар.

Улуус баһылыгын анал стипендиятын хаһаайынынан ХИФУ үп-экономическай институтун 2-с куурсун устудьуона, республикатааҕы Ыччат ыһыаҕын «Боотурдар оонньуулара» күрэхтэһии кыайыылааҕа Петр Иванов буолла.

Бастыҥ ыччаттарга улуустан төрүттээх үрдүк сололоох үлэһит дьон бэйэлэрин бириистэрин анаатылар. Ол курдук, культура эйгэтигэр СР үтүөлээх артыыһа Степан Сивцев – Доллу «Ый суола» бөлөх бас-гитариһыгар Семен Алексеевка (АГИКИИ), СР Норуоттарын дьыалаларын департаменын салайааччы Алексей СергучевИванна Ефимоваҕа (ХИФУ, педагогическай институт), доруобуйа харыстабылыгар профессор, медицина наукатын доктора Виктор Игнатьев Туйаара Александроваҕа (ХИФУ, медицинскэй институт), юриспруденцияҕа СР Юстициятын государственнай хамыыһыйатын бэрэссэдээтэлэ Сардаана Гурьева Прокопий Николаевка (ХИФУ, юридическай факультет), экономика эйгэтигэр «Алмазэргиэнбанк» ААО бырабылыанньатынн бэрэссэдээтэлэ Людмила Николаева Николай Апросимовка (ХИФУ, үп института), тутууга «Адгезия» ХЭТ салайааччыта Михаил Охлопков Константин Баишевка (инженернэй-техническэй институт), тыа хаһаайыстыбатын салаатыгар министри солбуйааччы Семен Потапов Иннокентий Васильевка (Дьокуускайтааҕы тыа хаһаайыстыбатын академията), филологияҕа техническэй наука доктора Михаил Лебедев Айсена Федотоваҕа (ХИФУ, педагогическай институт), суруналыыстыка салаатыгар «Саха» НКИК дирекциятын директора Олег Марков Иннокентий Владимировка (ХИФУ, филологическай факультет) уонна общественнай хайысха салаатыгар Ил Түмэн депутата Юрий Баишев Саргылаана Леонтьеваҕа (ХИФУ, үп-экономическай институт) бириистэрин туттартаатылар.