Тэрийээччилэринэн СР Үөрэҕин министерствота, СР Культураҕа уонна духуобунай сайдыыга министерствота уонна Өксөкүлээх Өлөксөй аатынан Норуоттар доҕордоһууларын дьиэтэ буолаллар.

Кулун тутар 26 күнүгэрбу фестиваль маҥнайгы түһүмэҕэ буолан ааста. Манна олоҥхону биирдиилээн уонна бөлөҕүнэн толорор дьоҕурдаах оҕо уһуйаанын иитиллээччилэрэ кыттыыны ыллылар. Күн иккис аҥарыттан чинчийэр үлэҕэ холонор оскуола үөрэнээччилэрэ дакылааттарын көмүскээтилэр.

Оҕо саадын иитиллээччилэрин күрэһэр өрөспүүбүлүкэбит араас муннугуттан элбэх оҕо кытынна. Манна дьүүллүүр сүбэ түмүктэри таһаарда.

Миэстэлэспит оҕолор: I миэстэ ‒ Дьяконова Надя, Амма, Бөтүҥ, «Мичээр» оҕо уһуйаана (салайааччы А.Д. Софронова); II миэстэ ‒ «Чуораанчык» бөлөх, «Кэрэчээнэ» оҕо уһуйаана, Хатас (В.Н.Старкова); III миэстэ ‒ «Чугдаанчык» фольклорнай бөлөх, Уус-Алдан улууһа, Бэйдиҥэ.

Анал ааттар: «Дьоһун этээчилэр» – «Кэнчээри» оҕо уһуйаана, Чурапчы улууһа, Дириҥ; «Кэскиллээх бөлөх» − «Үнүгэсчээн» оҕо уһуйаана, Чурапчы улууһа, Сылаҥ; «Олоҥхону олугунан билии» − «Мичийэ» оҕо уһуйаана, Бэйдиҥэ; «Сэргэх толоруу» − «Кэнчээри» оҕо уһуйаана, Таатта улууһа, Уолба; «Олохтоох тыллаах толорооччу» − «Кыымчаан» оҕо уһуйаан иитиллээччитэ Владик Афанасьев, Хаҥалас улууһа, Улахан Аан; «Боччум сэһэн» − «Радуга» оҕо уһуйаана, Дьокуускай куорат; «Көрөөччү биһирэбилэ» − «Мичил» оҕо уһуйаана, Мэҥэ-Хаҥалас, Майа.

Саха олоҥхотун сэҥээрээччилэрин бу күннэргэ «Олоҥхо дойдутун оҕотобун» фестиваль салгыытыгар ыҥырабыт! Кыттааччыларга инникитин өссө да ситиһиилэри баҕарыаҕыҥ!