Тэрийээччилэр ‒ СР Үөрэҕин министерствота, СР Культуратын уонна духуобунай сайдыытын министерствота уонна Өксөкүлээх Өлөксөй аатынан Норуоттар доҕордоһууларын дьиэтэ.

«Олоҥхо дойдутун оҕотобун» республикатааҕы фестиваль үгэс быһыытынан олоҥхону толоруу утумун салгыыр, толоруу сатабылын, оҕо айар дьоҕурун сайыннарар уонна тарҕатар сыаллаах ыытыллар.

Манна олоҥхону биирдиилээн уонна бөлөҕүнэн толорор дьоҕурдаах детсад оҕолоро уонна чинчийэр үлэҕэ холонор, оскуола үөрэнээччилэрэ кытталлар. Урукку сылларга бу фестиваль үгүс-элбэх талааннаах олоҥхоһут оҕолору сайыннарбытынан, киэҥ эйгэҕэ таһаарбытынан биллэр.

Быйылгы кыттааччыларга үрдүк ситиһиилэри баҕарыаҕыҥ!