Манна улуус оскуолаларыттан 94 оҕо, 24 салайааччы кыттыыны ыллылар. Фестиваль үс хайысханан ыытылынна: олоҥхону биирдиилээн уонна бөлөҕүнэн толорооччулар, чинчийээччилэр. Ону таhынан салайааччыларга, төрөппүттэргэ маастар кылаас ыытылынна. Маастар кылааhы Дьокуускайдааҕы Оҕо дыбарыаhын үрдүкү кылаастаах педагога, СР культуратын туйгуна Наталья Мордовская ыытта.

Фестивалы үөрүүлээхтик аhыыга нэhилиэк баhылыга У.Н.Атласова, оскуола директора И.И.Чичигинаров, улуустааҕы оҕо дьоҕурун сайыннарар «Үөрүү» киин директора Д.А.Илларионов, культура ветерана Г.Г.Макарова эдэр олоҥхо толорооччулары, анаарааччылары эҕэрдэлээтилэр.

Көрүү түмүгүнэн биирдиилээн толорууга бастакы степеннээх лауреат аатын Сылаҥ орто оскуолатын 7 кылааhын үөрэнээччитэ Маша Сивцева (салайааччы Сивцева Л.С.) ылла. Иккис, үһүс степеннээх лауреаттарынан Дириҥтэн 4 кылаас үөрэнээччитэ Уля Корякина (салайааччы Божедонова М.П.), Арыылаах орто оскуолатын 8 кылааhын үөрэнээччитэ Попова Айта (салайааччыта Захаров А.А) буоллулар.

Бөлөҕүнэн толорууга Мырыла орто оскуолатын «Күөрэгэй» бөлөҕө (салайааччы Яковлева Л.Е.), Сылаҥ орто оскуолатын бөлөҕө (салайааччы Сивцева Л.С.), Хатылы орто оскуолатын бөлөҕө (салайааччы Захарова А.Ф.) лауреаттарынан ааттаннылар.

Олоҥхону анаараччыларга Настя Захарова (Хатылы, 7 кылаас, салайааччы Макарова С.В). Настя Алексеева, (Чакыр, 10 кылаас, салайааччы Софронова А.Н.), Сардаана Литвинцева, (10 кылаас, салайааччы Кузьмина А.Н.) бастыҥнарынан ааттаннылар.

«Түөлбэ олонхо» фестивал төрүттэниэҕиттэн ситиhиилээхтик кыттар оҕолору олоҥхо толоруутугар уhуйааччы Захарова А.Ф. (Хатылы) «Бастыҥ салайааччы» анал аатынан уонна Тарабукина К.М. олохтообут бирииhинэн наҕараадаланна.

Уhуйаан саастаах оҕолор түhүмэхтэрэ кэтэхтэн форманан ыытылларынан түмүк кулун тутарга тахсыа.

Фестивалы тэрийиигэ көхтөөхтүк үлэлэспит Хатылы нэhилиэгин дьаhалтатыгар, В.С.Соловьев – Болот Боотур аатынан орто оскуола коллективыгар, «Ситим» сынньалаҥ киинин үлэhиттэригэр махталбытын биллэрэбит.