ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
7 мая 2015, 14:47

«Фиксиктэр» Ньурба баһаарынайдарыгар көмөҕө кэлэллэр


Баһаарынай сулууспа үлэһиттэрэ сэрэтэр үлэҕэ саҥаттан саҥа сүүрээннэри көрдүүллэр. Холобур быһыытынан, Ньурбатааҕы 26 №-дээх баһаарынай чаас үлэһиттэрэ кырачааннарга анаан ыыппыт тэрээһиннэрин ааттыахха сөп.

Соторутааҕыта Ньурба 3 №-дээх оскуолатын алын сүһүөх үөрэнээччилэригэр кырачааннар сөбүлүүр геройдара - «фиксиктэр» ыалдьыттаатылар. Бу Ньурбатааҕы судаарыстыбаннай көһө сылдьар драматическэй театр уонна 26 №-дээх баһаарынай чаас холбоһуктаах тэрээһиннэригэр оҕолору уоттан сэрэхтээх буоларга ыҥырдылар.

Улууска оҕо саадтарыттан саҕалаан оскуолаларга баһаартан сэрэхтээх буолууга, куттал суоһуур түгэнигэр хайдах харыстанарга араас өрүттээх үлэ былааннаахтык барар. Оттон маннык мультик геройдарынан оҕо интэриэһин тардан, тэҥҥэ оонньотон, үҥкүүлэтэн быһаарыы ордук өйдөнүмтүө буоларын учууталлар эмиэ бэлиэтииллэр.

«Фиксиктэрдээх» испэктээккэ кырачаан көрөөччүлэр бэйэлэрэ эмиэ кыттыыны ылаллар. Онно оонньуу ис хоһоонун эрэ буолбакка, баһаартан сэрэхтээх буоларга тугу өйдөөбүттэрин кэпсииллэр, санааларын үллэстэллэр.

«Фиксиктэр» салгыы Ньурба куорат бары оскуолаларынан, оҕо саадтарынан сылдьан кырачааннарга туһалаах уонна наадалаах сүбэлэри биэриэхтэрэ.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 489 Источник: ЯСИА Автор: Күннэй Антонова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ