Тохсунньу 13 күнүгэр техникумҥа ис спартакиада түмүктэрин таһаардылар. Спорт биэс көрүҥэр күрэхтэһиигэ 50-тэн тахса киһи кытынна. Үгүс сыллар усталарыгар саахымакка күрэхтэһиилэргэ преподаватель, директоры үлэ практикатыгар солбуйааччы Александр Егомин, библиотекарь Татьяна Ильина, дуобакка — олбуор хомуйааччы Егор Черкашин, остуол тенниһигэр — директор Егор Неустроев, преподаватель Олег Осипов, волейболга — преподаватель Василий Мухин тэҥнээхтэрин булбаттар.

Сайын спартакиаданы өссө икки көрүҥ салгыахтара: өтүүнү тардыһыы уонна булкааһык эстафета. Техникумҥа үлэһиттэр спартакиадалара — бу үйэ кэриҥэ историялаах үөрэх тэрилтэтин биир үгэстэриттэн биирдэстэрэ.

ДЬТХТ сүүмэрдэммит хамаандата быйыл олунньу ыйга республикатааҕы идэҕэ үөрэтии үлэһиттэрин спартакиадатыгар кыттыаҕа.