СИА-ҕа тэрилтэттэн иһитиннэрбиттэринэн, ССЫС республика общественнай тэрилтэлэрин кытта кэккэ сөбүлэһиилэргэ илии баттаһыаҕа.

«Кэнники икки сылларга Саха сирин ыччатын политикатыгар көлүөнэлэр атастаһыылара буолла. 2000-с сыллардаахха бэйэлэрин көрдөрбүт ыччат лидердэрэ ити эйгэттэн тэйбиттэрэ. Кинилэр оннуларыгар саҥа дьон кэллилэр. Биһигиттэн, көхтөөх ыччаттан, ыччат политиката салгыы хайдах сайдара тутулуктаах. Биһиги кыараҕас политическай көрүүлэртэн, тус амбициялартан арахсан бииргэ үлэлиэхпитин баҕарабыт. Дьиҥинэн, биһиги сыалбыт биир – эдэр дьоҥҥо бэйэлэрин арыйалларыгар, олоххо миэстэлэрин булалларыгар көмөлөһүөхтээхпит», -диэн бэлиэтээтэ Саха сирин ыччатын сойууһун бэрэссэдээтэлэ Вячеслав Стручков.

ССЫС-гар пленумҥа Саха сирин 6 общественнай түмсүүлэрин салайааччылара кыттыахтара диэн биллэрдилэр.