Бу ааҕыыларга Москваҕа дойду бары регионнарыттан уонна Нуучча Православнай Таҥараларын дьиэлэрин епархияларыттан 15 тыһыынчаттан тахса делегаттар сырыттылар. Ааҕыылары үөрүүлээхтик аһыы Государственнай Кремль дыбарыаһыгар Улуу Антиохия уонна Илин бүттүүн Сибэтиэй Патриарха Иоанн Х-с, Москватааҕы уонна Русь бүттүүнүн Сибэтиэй Патриарха  Кирилл, федеральнай үрдүкү былаас органнарын салайааччылара, Нуучча Православнай Таҥаратын дьиэтин Сибэтиэй Синодун чилиэннэрэ, духовенство уонна манаахтар, научнай уонна педагогическэй общественность бэрэстэбиитэллэрэ, культура уонна искусство деятеллэрэ муһуннулар.

Парламент Ороһуоспатааҕы көрсүһүүлэрин аһарыгар Федерация Сэбиэтин бэрэссэдээтэлэ  Валентина Матвиенко  государство, общество, Нуучча Православнай Таҥаратын дьиэтэ, атын да үгэс буолбут конфессиялар социальнай кыһалҕалары ыкса алтыһан быһаарыахтаахтар диэтэ.

"Биһиги дойдубут историческай дьылҕата норуот сиэр-майгы быһыытынан бөҕөтүнэн быһаарыллар", - диэтэ кини.

Москва уонна Бүтүн Русь Сибэтиэй Патриарха  Кирилл  Федерация Сэбиэтэ уонна Государственнай Дума – таҥара дьиэтин уонна былаас дьиҥнээхтик хардарыта кэпсэтэр суолталаах миэстэлэринэн буоларын бэлиэтээтэ.

"Таҥара дьиэтэ государственнай и общественнай институттар сиэр-майгы сыаннастарын бөҕөргөтүүгэ дьулуһууларын өйүүргэ бэлэм", - диэн түмүктээтэ Сибэтиэй Патриарх.

Көрсүһүү түмүгүн таһаарарыгар, Ил Түмэн скиперэ Александр Жирков ордук суолталаахтарын бэлиэтээтэ: "Федерация Сэбиэтэ уонна Нуучча Православнай Таҥаратын дьиэтэ аан бастаан кыттыгас тэрээ6ини оҥордулар. Икки өттүттэн маннык көрсүһүүлэр үгэскэ кубулуйуохтарыгар баҕаларын эттилэр. Бүгүн православнай таҥара дьиэтин уонна атын да итэҕэллэр бэрэстэбиитэллэрин общественнай өй-санаа, сиэр-майгы, дьон дьулуурун ырааһа долгуталлар. Маннык бөдөҥ тирэхтэр ити боппуруостары аһаҕас дьүүллэһиигэ таһаараллара улахан суолталаах".

Александр Жирков"Ити олус суолталаах, тоҕо диэтэххэ, кураанах лахсыыртан дьиҥнээх ис хоһоону сүтэриэххэ. үтүө баҕа санаалар кэннилэригэр тахсыылаах үлэни мүччү тутуохха сөп", - диэтэ СР парламенын спикерэ.