Факелы тутааччылар ортолоругар — спортсменнар уонна саха инвалиднай спордун биллиилээх дьонноро бааллар. Ол курдук,  эстафетаҕа икки кэнники Паралимпийскай оонньуулар призердара: Степанида Артахинова, Владимир Балынец уонна Анастасия Диодорова кыттыахтара. Кинилэри таһынан, испииһэккэ хас да көҥүл тустуу бэрэстэбиитэллэрэ уонна кинилэр тренердэрэ Петр Давыдов бааллар. Факелы өссө "Эхо столицы" хаһыат генеральнай директора уонна бильярдист Александр Прокопьев, спортивнай активист Марат Николаев, легкоатлет Леонид Душкевич, пауэрлифтер Роман Устюжанин уонна да атыттар тутуохтара. Кыттааччылар ааттарын бүгүҥҥү пресс-конференцияҕа эттилэр.

"Манна кыттыахтара Госмунньахха спорду салайааччы народнай депутат Юрий Баишев", - диэн эбэн эттэ СР правительствотын вице-премьерэ  Александр Власов.

Эстафетаҕа кыттааччылартан биирдэстэрэ, спорт активиһа Марат Николаев, пресс-конференцияҕа, тэрээһинтэн тугу күүтэрин кэпсээтэ. "Кырдьык, миэхэ  Паралимпийскай уот эстафетатыгар кыттыы — улахан чиэс, мин итиннэ хас күн аайы эрчиллэбин. Мин дистанциям Кирова уулуссатынан ааһыахтаах", - диэн долгуйан эттэ эдэр спортсмен.
Бэлиэтээн эттэххэ, Паралимпийскай оонньуулар кулун тутар 7 -16 күннэригэр Сочи Олимпийскай спортивнай эбийиэктэригэр ыытыллыахтара.