Биһиги лидербит, Европа Кубогын кыайыылааҕа уонна Россич чемпиона Айаал Федоров  Михаил Симушинныын уонна Павел Алексеевтыын бастаан Калининград уобалаһын кыайбыттара, финал чиэппэригэр москвичтары  2 баллынан — 226:224 ахсаанынан кыайбыттара. Финалга биһиги уолаттарбытын тыҥааһыннаах киирсиигэ  Забайкальскай кыраай хамаандата киллэрбэтэ — 225:235. Ол эрээри биһиги оҕолорбут хомулла охсон, Бурятия хамаандатын үһүс миэстэни былдьаһыыга хоттулар.

Классическай оххо кыргыттар Валентина Евдокимова, Розалина Тимофеева уонна Сайыына Иванова буоланнар, ити курдук боруонса призер буолары ситистилэр, кинилэри финалга эмиэ  Забайкальскай кыраай кыргыттара тиэрпэтилэр. Үһүс миэстэ иһин киирсиигэ биһиги кэрэ куоларбыт Чувашскай республика спортсменкаларын кыайдылар.  
Итинник курдук ситиһиилээхтик блочнай оххо юниордар кытыннылар: кинилэр төһө да пьедесталга ыттыбаталлар, түөрт бастыҥнар ортолоругар киирэри ситистилэр.