Геология, геофизика уонна минеральнай сырье Сибиирдээҕи институтун научнай экспедициятын (Новосибирскай) үс киһиттэн турар бөлөҕө Мииринэй оройуонугар Нижне-Томбинскай учаастакка үлэлииллэр. Кинилэр спутниковай телефоннаахтар.

Бөлөх от ыйын 7 күнүгэр тиийиэхтээх сиригэр тиийбит, бүгүн быһа сибээскэ тахсыахтаах.

Бэс ыйын 27-тэн атырдьах ыйын 5 күнүгэр диэри Саха сиригэр ити институт өссө биир бөлөҕө Эдьигээҥҥэ баар Күлэҥкэ өрүстэн Өлүөнэ өрүһүнэн Дьокуускайга диэри уу тырааныспарынан кэлиэхтээхтэр. Түөрт киһилээх бөлөх спутниковай телефоннаах.

Бүгүҥҥүттэн, от ыйын 7 күнүттэн ыла Саха сирин быыһыыр сулууспатын хонтуруолугар өссө Саха сирин гуманитарнай чинчийии институтун сэттэ киһилээх туристар бөлөхтөрө киирэр. Бөлөх Дьокуускай – Марха өрүс (Өлүөхүмэ улууһа) – Суруктаах Хайа – Марха өрүс — Марха сэлиэнньэтэ хайысханан мотуордаах эрэһиинэнэ айаннаабыта.

Эмиэ бүгүҥҥүттэн 16 киһилээх бөлөх Дьокууска – Үөһээ Амма – Амма өрүһэ – Өнньүөс — Дьокуускай хайысханан айаннаата. Бөлөх массыына, тыы уонна катамаран тырааныспардрынан айанныыр.