Бу киэһэ Роман Михайлович туһунан элбэх үтүө тыл этилиннэ. Уһулуччулаах тустуук бу сиртэн барбыта түөрт сыл буолла. Спортсмен уонна общественнай деятель – кини куруук олох үөһүгэр сылдьара. 1981 сыллаахха спортивнай карьератын түмүктээн баран, Роман Дмитриев элбэх сыл устата ССРС сүүмэрдэммит хамаандатын тренерскэй штабыгар үлэлээбитэ, Россия эдэрдэрин хамаандатын эрчийбитэ, РФ тустууга  федерациятыгар үлэлээбитэ. Олоҕун бүтэһик сылларыгар Дмитриев бастайаанай кэмииссийэ спорка сүбэһитэ, ол кэнниттэн РФ Федеральнай мунньаҕар Ил Түмэн Государственнай мунньах  бэрэстэбиитэлэ этэ.

Доҕотторо  Дмитриев спорка ситиһиилэрин эрэ буолбакка, кини киһи быһыытынан үтүө майгытын кэпсээтилэр. Роман Михайлович  биир дойдулаахтарын куруук тылынан да, дьыаланан да өйүүрэ.
Роман Михайлович Дмитриев  туһунан өйдөбүл үйэ тухары хаалыаҕа.