“Биһиги Стимуляционнай кииҥҥэ быраактыкаланарбыт иһин кыайыыны ситистибит. Билигин биһиги, диплом кэннинээҕи үөрэхтээһин бакылтыатын хирургия хаапыдыратын бырааһа Николай Гоголев салайыытынан бу сатабылы үөрэтэбит. Эпэрээссийэни ыытарга үөрэнэн, лапароскопическай тренажорга быраактыкаланабыт-куртах лапороскопическай реззекциятын”, - диэн ХИБҮ медицинскэй үнстүүтүн педиатрия салаатын бэһис кууруһун устудьуона Егор Седалищев санаатын үллэһиннэ.

Хабаровскайга лоимпиадаҕа кыттаары, ХИБҮттэн барыта 14 медик-устудьуон тиийбит. Биһиги устудьуоннарбытын кытары күрэхтэһэ Дальнай Востоктааҕы медициинэ үнүбэрсиэтэ уонна Армуурдааҕы судаарыстыбаннай медициинэ академиятын устудьуоннара кэлбиттэр. Хотугулуу-Илиҥҥи бэдэрээлинэй үнүбэрсиэт устудьуоннара, хамаанданан сочуокка түөрт маҥнайгы, алта иккис уонна биир үһүс миэстэни ылбыттар. Тэрээһин кыттыылааҕа этэринэн, олимпиадаҕа ХИБҮ Медицинскэй үнстүүт устудьуона Ньургун Кладкины кытары күөн күрэх ыарахан этэ диир.

Саха сирин устудьуоннарын кэлэр түһүмэҕэ, Москуба куоракка ыытыллар бүтүн Арассыыйатааҕы олимпиада буолуоҕа.