Күүстээхтэр ортолоругар киирэр иһин 35 Саха сирин дзюдоистара кииристилэр. Тыҥааһыннаах хапсы6ыылар түмүктэринэн кинилэр араас ыйааһыннарга 4 кыһыл көмүс, 5 үрүҥ көмүс уонна 10 боруонса мэтээллэри, ону таһынан олунньу 12-17 күннэригэр Липецкэйгэ ыытыллар Россияҕа бастыыр иһин күрэхтэһиигэ кыттарга 13 путевканы ыллылар.

Пьедестал үрдүкү үктэлигэр Марьям Есеркеева (Алдан), Валентина Наумова (Өлүөхүмэ), Екатерина Костромина (5 № -дээх ОСО, Дьокуускай), Миробиджон Хамедов ("Славутич"СК).

«Үрүҥ көмүһү» Кристина Бояркина (Өлүөхүмэ), Екатерина Бирюкова (5 № -дээх ОСО, Дьокуускай), Юлия Семенова (Өлүөхүмэ), Урмат Иманканов (Хаҥалас), Иван Софин (Мииринэй КСК).

Үһүс миэстэни Радамира Григорьева (Дьокуускай к. 2 №-дээх ОСО-та), Мария Аксаментова (Хаҥалас), Анна Худоярова ("Славутич"СК), Виолетта Павлова (Өлүөхүмэ), Станислав Хан ( ЖАТАЙ), Виктор Бажин (Мииринэй КСК), Эмиль Прокопьев (Мииринэй КСК), Артем Забегин ("Славутич"СК), Олег Елфимов (Хаҥалас), Алексей Иванов (5 № -дээх ОСО, Дьокуускай).

СР дзюдоҕа Федерациятын кылаабынай тренерэ Дамдиндорж Гомбодорж этэринэн, өссө элбэх «кыһыл көмүһү» ылыахтаахпытын кэккэ кырдьыктаах төрүөттэр мэһэйдээтилэр диэтэ. Бастакытынан, хамаанда лидердэрэ Игорь Маслов уонна Дарья Чикир эчэйэннэр күрэхтэһиигэ кыттыбатылар. Иккиһинэн, спортсменнар Петропавловскайдааҕы-Камчатскайга ыйааһын эрэ иннинэ тиийбиттэрэ, онон ситэ күүстэрин чөлүгэр түһэрбэтэхтэрэ.

Республика дзюдоҕа Федерациятын президенэ Олег Тарасов дзюдоистары ситиһиилэринэн эҕэрдэлиир уонна саҥа кыайыылары баҕарар, диэн «Якутскэнерго» АК пресс-сулууспата иһитиннэрэр.