«Сыл устата спортсменнар туруктарын кэтээн көрдүбүт. Араас анализтары ыламмыт бэрэбиэркэлээтибит. Кинилэр ортолоругар эчэйии суоҕун кэриэтэ. Баар да буоллаҕына, кыра. Көмө кэмигэр оҥоһуллубута, спортсменнар доруобуйаларын чөлүгэр түһэрэллэр», - диэтэ кини.

Көҥүл тустууга Россия чемпионатыгар кыттар спортсменнары кытта психологтар, функциональнай диагностика идэлээхтэрэ үлэлээтилэр.

«Спортсменнар туруктара үчүгэй. Биллэн турар, кинилэр төһө да кыахтаахтарын иһин, киһи буоллахтара дии. Эппиэтинэс санааларыгар-оноолоругар ыарык баттык буолар. Кинилэр үрдүк таһымнаахтык тусталларын туһугар усулуобуйа тэриллэр, эргиччи өйүүбүт. Спортсмен күрэхтэһиигэ нэс сыһыаннах буоллаҕына, ол аата кини бэлэмэ суох. Кыайар туһугар кыратык кыдьыгырыы мэһэйдээбэт», - диэтэ психологтартан биирдэстэрэ.