Буолаары турар дойду чемпионатыгар Саха сириттэн үс спортсмен бэлэмнэнэр:  Анастасия Табаева (48 кг), Варвара Степанова (53 кг) уонна  Анастасия Щавлинская (69 кг). Саха сирин сүүмэрдэммит хамаандатыгар инники күөҥҥэ сылдьыбыт, Россия чемпиона, аан дойду кубогын үрүҥ көмүс мэтээлин ылбыт  Екатерина Мельникова кэргэн тахсан, оҕолонон, быстах кэмҥэ эрчиллэрин тохтотто.  Николай Рожин этэринэн, Мельникова тустуутун быраҕар санаата суох. Аныгыскы олимпийскай цикылга кини көбүөргэ тахсара күүтүллэр.

2014 сылга Россия бастыыр иһин күрэхтэһиитин кыайыылааҕа  Валерия Сигаева (Алдан - Уус-Алдан) Европа күрэхтэһиитигэр кыттыбатын туһунан иһитиннэрии баар. Кини сүрүн утарсааччытыгар Оксана Гурзоҕа хотторон, бу күрэхтэһиигэ киирбэт.

Кадеттар ортолоругар Европа күрэхтэһиитэ ыам ыйын 6-11 күннэригэр Болгария Самоков куоратыгар буола турар.