Хамаандалар икк бөлөххө араарыллыахтара. Маҥнайгы күн (ахсынньы 3 күнүгэр) бөлөхтөһөн утарсыылар, оттон нөҥүө күнүгэр (ахсынньы 4 күнүгэр) финал ыытыллыа. Быйыл бочуоттаах трофей иһин 11 хамаанда киирсиэҕэ.

Ааспыт сыллааҕы финалистар — Саха сирэ уонна Красноярскай кыраай — араас бөлөхтөргө араарыллыбыттара. Саха сирин сүүмэрдэммит хамаандата ыһыллыбыт "А" бөлөххө, - Москва, Дагестан, Москва уобалаһа, Приволжье федеральнай уокуруга уонна Хотугу Осетия-Алания бааллар. "Б" бөлөххө Красноярскай кыраай сүүмэрдэммит хамаандатыгар - Санкт Петербург, Россия студеннарын Союһа, Брянскай уонн Кемеровскай уобаластар киирдилэр.

Даҕатан эттэххэ, Саха сирин хамаандата, үгүс атын хамаандалар курдук, легионердар өҥөлөрүн туһанарга быһаарынна. Чопчулаан быһаардахха, Кабардино-Балкария хамаандатыныын сомоҕолоһорго сананна. тоҕо диэтэххэ, турнир саҕаланыан иннинэ саха хамаандатын састаабыгар ыарахан ыйааһыннарга бөҕөс тиийбэт кыһалҕатан үөскээбитэ. Онно эбии, 96 кг ыйааһыннах тустуук Евгений Алексеев соторутааҕыта күүскэ тымныйан хаалбыта.

итэҕэс хамаанданан кыттар туһата суоҕа, онон кабардинецтары кытта сомоҕолоһорго тиийбиттэрэ, ону олор үөрүүнэн ылыммыттара. Бу күрэхтэһиигэ тус зачекка хас биирдии ыйааһыҥҥа бастакы, иккис миэстэни ылбыттар Красноярскайга тохсунньутааҕы "Иван Ярыгин" Голден Гран-при күрэхтэһиитигэр киирэр быраабы ылаллар. Бэртээхэй буолбатах дуо?

Саха сирин уонна Кабардино-Балкария холбоһуктаах хамаандатын билиһиннэрэбит:

50 кг - Александр Рассадин

55 кг - Виктор Рассадин

60 кг - Ньургун Скрябин

66 кг - Константин Власов, Алексей Иванов

74 кг - Кузьма Сивцев, Астемир Мазихов (КБР)

84 кг - Астемир Куантов (КБР)

96 кг - Азред Шагенов (КБР)

120 кг - Увар Тимофеев

Бастакы эргииргэ Саха сирин уонна Кабардино-Балкария холбоһуктаах хамаандата Москва куорат хамаандатын кытта киирсэр. Уолаттарга ситиһиини баҕарыаҕыҥ!