Өрөспүүбүлүкэтээҕи Адаптивнай физическэй култуура уонна спорт киинин  түөрт иитиллээччитэ бу күрэхтэһиигэ Дагестан, Осетия, Ингушетия, Чечен, Тува, Амур  уобалаһын, Хабаровскай кыраай уо.д.а. Россия  регионнарын бэрэстэбиитэллэрин  кытта күөн көрүстүлэр. Уопсайа сүүстэн  тахса бөҕөс кэлэн күүһүн холосто.

Маннык улахан таһымнаах түһүлгэҕэ аан бастакытын кыттар Николай Васильев  30 киилэлээхтэргэ үһүс миэстэни ылла. Тренерэ Эрчимэн Макаров бэлиэтээбитинэн, саҥа кыттар киһиэхэ куһаҕана суох көрдөрүү.  58 киилэ ыйааһыннаахтарга Назарли Равиль Осетия бэрэстэбиитэлигэр хотторон иккис миэстэни ылла.

Эдэр бөҕөстөр греко-римскай  тустуу чаҕылхай хапсыһыыларын көрдүлэр, бу көрүҥҥэ Россия үтүөлээх тренерэ Владимир Гориновы уонна Сергей Кокоевы кытта кэпсэттилэр.