Куруутун туруоруллар экспозициялар быыстапкалар таһынан, музейга бэйэтэ библиотекалаах, арт-салоннаах уонна арт-кафелаах буоларын истибиккит дуо? Итини таһынан, информационнай-үөрэтэр киин, мультимедийнай кинотеатр, лекторий, Оҕо музейын киинэ, оҕо театра уонна «Кыһыл хос» баарын билэҕит эбитэ дуу.

Библиотекаҕа искусство, музей дьыалатын уонна кыраайы үөрэтэр литература кинигэлэрэ бааллар. Ол курдук, холобура, библиотека биир сэдэх кинигэтинэн - Р. Маак "Саха уобалаһын Бүлүү уокуруга. Бастакы Ч. Саха сирин күнүн-дьылын туругун үөрэтии матырыйааллара" 1883 сыллаах кинигэтэ баар. Библиотека ааҕар саалата 10-18 ч үлэлиир. Субуотаҕа, өрөбүлгэ өрүүр.

Арт-cалоҥҥа анал үөрэхтээх художниктар, графиктар, илиинэн оҥорооччулар уонна норуот маастардарын, ону таһынан кинигэлэр, онно научнай монографиялар, художниктар тустарынан ыстатыйалара уонна кинигэлэр, искусство журналлара хараллан сыталлар.

Ону таһынан Арт-cалоҥҥа сувениры Санкт-Петербурдааҕы Нуучча музейын сувенирдара, биллиилээх художниктар магнит репродукциялара, испиискэлэр, DVD диискэлэр бааллар.

Арт-салон музей үлэтин кэмигэп аһыылаах.

Музей бастакы этээһмгэп «Арт-кафеҕа» сылдьан, дьиҥнээх кофены, чэй бастыҥ суортарын, сибиэһэй бурдук аһы уонна минньигэс пирожнайдары амсайыахха сөп. Арт-кафе өссө оҕо бырааһынньыктарын, утренниктарын, кылаас чаастарын оҥорор.

"Этюд" оҕо театра оҕолору түмэр.

Оҕолору кытта артыыс маастарыстыбатыгар, сценическай тыл-өс хамсаныы, үҥкүү уо.д.а. үөрэниэххэ сөп.

Театр А. Борисова «Талисман», Е. Шварц «Снежная королева», К. Гоцци «Король-Олень» уонна да атын спектаклларынан пьесалары туруорбута.

Ити да уонна да атын музей үлэтин хайысхаларын туһунан Национальнай художественнайо музей www.sakhamuseum.ru сайтыгар билсиэххэ сөп.