Саха Республикатын 18-гар диэри эдэрдэр сүүмэрдэммит хамаандаларын лидерэ Диана Адасько чаҕылхайдык кытынна, кини бэйэтин таптыыр 60 метр дистанциятыгар бастакы буолла уонна пятиборьеҕа кыайда. Бу икки дисциплинаҕа кыыс спорт маастарыгар кадидат нуорматын толордо.

Адаськоны таһынан Дальнай Восток федеральнай уокуругун кыайыылаахтарынан шестиборьеҕа Александр Нечаев уонна мэһэйдээх 60 метр сүүрүүгэ Виталий Аргунов бастаатылар. Хамаанданан үһүскэ таҕыстылар.

50-лэригэр диэри юниордар хамаандаларыгар Сергей Чунарев (60 метр) уонна Георгий Шергин (үстэ төхтөрүйэн ыстаныы) эрэллээхтик бастаатылар.

Сахая Власова мэһэйдээх 2000 метр уһуҥҥа сүүрүүгэ чемпионка буолла. Үрүҥ көмүс мэтээли Михаил Руфов (60 метр) уонна Сергей Чунарев (200 метр) ыллылар. Боруонса наҕарааданы Михаил Руфов (200 метр) уонна Сахая Власова (3000 метр) туттулар.