Тэрийээччилэр эппиттэринэн, дойду араас муннугуттан: Саха сириттэн, Ямалтан, Алтайтан, Хабаровскайтан, Камчаткаттан, Сахалинтан, Санкт-Петербургтан, Нарьян-Мартан, Таймыыртан, Магадантан барыта 25 коллекция фестивальга кыттыбыт.

Этностар икки ардыларынааҕы гильдия салайааччыта Маргарита Лянге, ГПА национальнай-художественнай култуура факультетын декана Алиса Геннадиева,  «Мода России» фестиваль-куонкурус программаларын салайааччы  Екатерина Румянцева, «Деловой реестр России» бэчээтиир дьиэ генеральнай дириэктэрэ Игорь Котов, «РЛП-ярмарка» ХЭТ дьыалабыай программаларын салайааччыта Вера Тугова жюри састаабыгар киирдилэр. Вера Тугова жюрины салайда.

«Таҥаска омук уратытын, үгэһин илдьэ сылдьыы» иһин номинацияҕа үгэс буолбут матырыйааллартан таба, балык тириилэриттэн тигиллибит оҕуруонан, быысапка сабынан киэргэтиллибит 14 коллекция киирдэ.

Ямал эдэр дизайнера  Александр Кулиш уонна Хабаровскайтан нанайдар халааттарын коллекциятынан кыттыбыт  Любовь Самар  бу аакка муҥутуур кыайыылааҕынан ааттаннылар.

Ямалтан «Северные россыпи» коллекцияны аҕалбыт Галина Яр уонна «Бисерные узоры Якутии» коллекцияны туруорбут  Наталья Бенчик 1 миэстэҕэ тигистилэр.

Ямал Пуровскай оройуонуттан кыттыбыт Харампура маастардара нанец омук үгэс буолбут ойуурга кэтэр таҥастарынан куонкуруска кыттан, 2 миэстэни ыллылар.

Саха сириттэн «Эвенская мозаика» коллекцияны туруорбут  Елена Протопопова 3 бириистээх миэстэни ылла.

«Аныгы этническэй таҥаһы тигиигэ инновация иһин» аакка Таймыыртан кыттыбыт Аксинья Поротова «Хозяйка тундры» коллекцията 2 миэстэҕэ тигистэ.

Ямалтан кэлбит Клавдия Аверьянова «Красота Арктики» таҥаһа 3-с бочуоттаах миэстэни ылыан ылла.

«Сцена бастыҥ көстүүмэ» аат:

1 миэстэ — Людмила Кустышева (Ненецкэй автономнай уокурук) «Ностальгия» коллекцията;

2 миэстэ — «Сарлисса» муода театыра (Таймыыр) «Сарлисса» коллекцията;

3 миэстэ — Людмила Хатхилл (Хабаровскай кыраай) аныгы таҥаһын коллекцията

«Когда молчат письмена» (Любовь Варшавская, Хабаровский кыраай), Таймыыр норуоттарын таҥаһа (ааптар Мария Бету), «Золотой дракон» (ааптар Любовь Самар, Хабаровскай кыраай) жюри анал бириэмийэлэринэн бэлиэтэннилэр.