Саха сириттэн «Сахамедиа» холдинг,  «Хотугу Кыым»(Абый улууһа), «Эркээйи» (Мэҥэ-Хаҥалас улууһа) республикаҕа улахан тиражтаах «Далбар хотун» сурунаал бу улахан тэрээһиҥҥэ кытталлар.

Форум уонна конференция киэҥ бырагыраамалаах. Ол иһигэр ааптар быраабын көмүскээһин, этика нуормаларын тутуһуу, рекламата суох сайдыы, тыл көҥүлэ о.д.а ис хоһоонноох киэҥ кэпсэтиилэр болҕомто эргийэр киининэн буолуохтара.

Тэрээһин үс күн устата барыаҕа. «Сахамедиа» холдинг генеральнай дириэктэрэ Кирилл Алексеев биир идэлээхтэригэр «Государственнай көрдөрөр-иһитиннэрэр средстволары реформалааһын» диэн ис хоһоонноох иһитиннэриини оҥоруоҕа.