Сэтинньи 24-27 күннэригэр Москваҕа Бүтүн Россиятааҕы 19-с сүрэх-тымыр хирурдарын съеһэ ыытыллыа, ол чэрчитинэн 12-с Бүтүн Россиятааҕы научная конференция ыытыллыа. Манна тас дойдулартан кэлиэхтэрэ. Саха сирин быраастара ол съезкэ кыттыыны ылыахтара.

Үгүс Саха сирин олохтоохторо өйдүүр буолуохтаахтар, 2004 сыл сааһыгар А.Н.Бакулев аатынан СТХНК директора академик Лео Бокерия уонна профессор Алексей Ким медицина Национальнай киинигэр оҕолорго уонна улахан дьоҥҥо кэккэ сүрэх операцияларын ыыппыттарын.

- Ол сыл күһүнүгэр А.И.Ким салайааччылаах Москва кардиохирурдарын биригээдэтэ олох кыра оҕолорго кэккэ лперациялары ситиһиилээхтик оҥорбуттара, - диэн оччолорго доруобуйа харыстабылын миниистиринэн үлэлээбит Иван Егоров сэһэргиир. – Ол туһунан «Медицинский вестник» түмүк оҥорон суруйбута».

Ол сылга Национальнай медицина киинигэр- 1№-дээх Республикатааҕы балыыһаҕа А.Н.Бакулев аатынан СТХНК филиала аһыллыбыта.

Быйыл атырдьах-балаҕан ыйдарыгар Өлүөнэ устун «Доруобуйа долгуна» акция ыытыллыбыта, итини «Лига здоровья нации» көҕүлээбитэ, ол Президенинэн РНА уонна РМНА академига Лео Бокерия буолар.

Национальнай медицина киинин эдэр кардиохирура Олег Константинов соторутааҕыта Бакулев киинигэр РМНА чилиэн-корреспондена Амиран Ревишвили оскуолатыгар икки нэдиэлэлээх курстары ааста.