Муниципальнай бастыҥ уопуту быһаарыыга уонна тарҕатыыга, олохтоох отделениелар салайааччылара үтүө холобурдарын, уопуттарын атастаһалларыгар уонна көдьүүстээхтик хардарыта дьайсан үлэлииллэригэр куонкурус сыала-соруга туһаайыллар.

Куонкурус баһаччы буолбакка, ыраахтан (дистанционно) ыытыллар. Кыттааччылары сыаналааһын критерийэ, экспертнэй сэбиэт быһаарылынна. Куонкурус түмүгэ оруобуна биир сылынан 2015 сыл муус устар 21 күнүгэр быһаарыллыаҕа уонна олохтоох бэйэни салайыныыга анаммыт үөрүүлээх тэрээһиҥҥэ кыайыылаахтар ааттаныахтара.

Куонкуруһу хос тэрийээччилэр ахсааннарыгар Государственнай Мунньах (Ил Түмэн), олохтоох бэйэни салайыныы боппуруостарыгар сис кэмитиэтэ, ис политика, олохтоох бэйэни салайыныы боппуростарыгар Президент уонна Правительство дьаһалтатын департамена, муниципальнай тэриллиилэр сэбиэттэрэ киирэллэр.

Бүтүн Россиятааҕы олохтоох бэйэни салайыныы сэбиэтин Саха сиринээҕи салаатын бу бастакы эрэ бырайыага буолбатах диэн этэр наадалаах. Маннык уонна маныаха майгынныыр, дьону-сэргэни социальнай-экономическай сайдыыга тардар тэрээһиннэр урут эмиэ ыытыллыбыттара. Оннук, 2011 сыллаахха «муниципалитеттар сайдыылара — дойду сайдыыта» ыччат республикатааҕы куонкуруһа буолбута. 2012-2013 сылларга олохтоох бэйэни салайыныы боппуруостарын сырдатыыга анаммыт куонкурус суруналыыстар ортолоругар буолбута. Маннык тэрээһиннэри муниципальнай тэриллиилэр улаханнык биһирээбиттэрэ. Сэбиэт баар кыһалҕалары туоратыыга дьону-сэргэни көҕүлүүргэ үтүө үгэһи үөскэттэ уонна ону күн бүгүҥҥэ диэри салгыыр.

Куонкурус балаһыаннататын кытта www.yktgorduma.ru сайтка муниципалитеттар икки ардыларынааҕы үлэ - бүтүн Россиятааҕы олохтоох бэйэни салайыныы сэбиэтин Саха сиринээҕи салаата рубрикаҕа «Бастыҥ олохтоох отделение» куонкурус диэҥҥэ булуоххутун сөп.

Интэриэһиргээбит дьон 34-41-35 нүөмэргэ эрийэн, e-mail: yarovsms@mail.ru аадырыска суруйан билсиҥ.