Инвестицияҕа боломуочуйалаах диэн кимий? Муниципальнай тэриллиигэ инвестиционнай көх үрдүүрүн туһугар государство, бизнес, уопсастыба чааһынай инвестордары кытта хардарыта үлэлииллэрин маннык дуоһунастаах киһи быһаарыахтаах.

Бу дьаһал олоххо киирдэҕинэ, республика экономикаҕа министиэристибэтин, инвестиционнай сайдыы агентствотын, предпринимателлэр бырааптарын көмүскүүр боломуочуйалаах уонна муниципальнай тэриллиилэр дьаһалталарын хардарыта үлэлэрэ сүрүннэниэхтээх. Инвестицияҕа боломуочуйалааҕы экономика сайдыытын министиэристибэтин уонна предпринимателлэр бырааптарын көмүскээччини кытта сөбүлэһэн баран МТ баһылыга аныыр.

Буолан ааспыт тэрээһиҥҥэ  Алексей Загоренко  маннык диэтэ: «Инвестордар уонна олохтоох дьаһалта көдьүүстээх үлэлэрин инвестицияҕа боломуочуйалаах тэрийиэҕэ диэн бүк эрэллээхпин. Оттон олохтоох былаас республика ситэриилээх былааһын уонна государственнай тэрилтэлэри кытта өрө тахсыылаахтык үлэлииллэрин мэктиэлиэҕэ дии саныыбын».