«Бүгүн олус тымныы уонна үлэ күнэ буолан, элбэҕэ суох киһи муһунна, – диэн СИА-ҕа эттэ историк  Арам Гиносян. – Куруук 400, 300 киһи кэлэрэ. Муус устар 24 күнэ — бу аан дойду араас муннуктарыгар баар армян дьонугар курутуйуу, кутурҕан күнэ».

Владыка Роман Нерюнгрига сылдьарын, ол эрээри буруйа суох суорума суолламмыттары умнубатын туһунан малыыппаны аахпыт аҕабыыт эттэ.

 Андроник Навоян, армяннар общиналара үбү-харчыны мунньан церковь уонна ол таһыгар культурнай-сырдатар киини тута сылдьарын туһунан бэлиэтээтэ.  «Биһиги оҕолорбут ханна төрөөбүттэрин, ханна олороллорун билэллэрин туһугар армян, нуучча уонна саха тылларыгар уонна историятыгар үөрэтиэхпитин баҕарабыт. ХИФУ нуучча уонна саха тылларыгар преподавателлэрэ онуоха сөбүлэспиттэр. Киин атырдьах ыйыгар арыллыа дии саныыбыт», – диэтэ кини.