2014 сыл бэс ыйын 22 күнүгэр хоту сир дьонун быраабын көмүскүүр «Арктика» уопсастыбаннай тэрилтэ «Сэргэлээх уоттара» культура киинигэр 18:00 чаастан «Сырдыкка эрэл» аһымал акцияны тэрийэр.

«Депутатскай-Хаһааччыйа» хайысханан көтөн испит вертолекка 28 киһи: 25 пассажир, ол иһигэр 11 оҕо, 3 экипаж чилиэннэрэ бааллара. Авиакатастрофа түмүгэр 24 киһи, онтон 10 оҕо суорума суолламмыта. Саха Республикатын Государственнай Мунньаҕын (Ил Түмэн) депутаата, парламеҥҥа «Биир ньыгыл Россия» фракциятын салайааччыта, «Якутсгеология» тэрилтэ генеральнай дириэктэрэ, норуот хаһаайыстыбатын үтүөлээх үлэһитэ  Александр Морозкин кинилэр ортолоругар баара.