Хаһаайыстыбалар баһыйар үгүстэрэ бэлиэтээбиттэринэн, быйылгы күн-дьыл туругуттан тутулуктанан ыһыы үлэтэ ыам ыйын саҥатыгар ыытыллыаҕа. Тиийбэт сиэмэ «Сахазернопродукт» ААО уонна «Сахакредит» РСППК нөҥүө республика тас өттүттэн аҕалыллар. Минеральнай эбии уоҕурдууну аҕалыы кээмэйэ быйыл биллэ эбиллибит. 1500 тоннаны эбии аҕалар туһунан былаан ылыллыбытыттан, бүгүҥҥү туругунан 956 тонна кэлбит. 258 тонна бу күннэргэ улуустарга тиэрдиллэр.

Минсельхоз үлэ үбүлэниитигэр ураты болҕомтотун уурар. Тыа хаһаайыстыбатын бородууксуйатын оҥорон таһаарааччыларга республика бюджетыттан 83,7 мөл. солк. анаммыт.

Дороххой аһылыгы тиэрдии бүппүтүн кэриэтэ. От тиийбэт сиригэр 35508 тонн от тиэрдиллибит. Сунтаарга – 4437 тонна, Тааттаҕа – 3697, Ньурбаҕа – 3497, Өймөкөөҥҥө – 2005 тонн уонна Уус-Алдаҥҥа – 1500 тонна.

Миниистир Иван Слепцов суһаллык дьайар штаб мунньаҕын кэнниттэн тыа хаһаайыстыбатын сааскы үлэтин күүскэ тэрийэргэ, үп-харчы аналынан туһаныллыытын хонтуруоллуурга, оҥорон таһаарыы параметрдарын толорорго сорудахтаата.