Майатааҕы «Куолас» хаһаайыстыба (салайааччы А.А.Борисов) быйылгы дьылга сааскы ыһыыны биир бастакынан саҕалаата. Хара нэһилиэгин быраҕыллыбыт бааһынатын сөргүтэн 400 гектарга туорахтаах культураны ыстылар итиэннэ Чүүйэҕэ, Хорообукка 350 гектарга сүөһү эбии аһылыга буолар үүнээйини ыһыахтара.

Сиэмэ бурдугун - 40 тонна дьэһимиэни, 20 тонна эбиэһи «Тумул» хаһаайыстыбатыттан, 30 тонна эбиэһи «Сахазернопродуктан» ылбыттар. Ааспыт сылга «куоластар» үүнүүлэрэ үчүгэй этэ эрээри, ылыллыбыт бородууксуйаны батарыы кыаллыбакка, атыыга барбакка, бүгүҥҥү күн сүрүн кыһалҕатыгар кубулуйда.

Бааһынаҕа ыһыы үлэтигэр 5 техника, 8 үлэһит үлэлииллэр. Техника алдьамматаҕына уонна күн-дьыл туран биэрдэҕинэ, ыһыы үлэтин болдьоҕор үмүрүтэргэ бэлэмнэр.