Тыа сирин уонна куорат эдэр ыалларын куонкуруска ыҥырабыт

Ыччат уонна дьиэ кэргэн дьыалаларыгар министиэристибэ ыам ыйыттан саҕалаан бэс ыйыгар диэри «Эдэр дьиэ кэргэн - 2014», «Тыа сирин ыала - 2014», «Куорат ыала - 2014» республикатааҕы куонкурустары тэрийэр. Кыайыылаахтар түмүгү таһаарар “2014 сыл бастыҥ ыала» куонкуруска кыттар чиэскэ тиксиэхтэрэ. Түмүктүүр куонкурус бу сыл бүтүүтэ ахсынньыга буоларын туһунан министиэристибэ пресс-сулууспатыттан эттилэр.

«Эдэр дьиэ кэргэн - 2014» республикатааҕы куонкурус дьиэ кэргэн аан дойдутааҕы күнэ 20 сылыгар, бэс ыйын 26-28 күннэригэр Бүлүүгэ буолар ыччат ыһыаҕар сыһыары тутуллар. Манна официальнайдык ыал буолбут, 1 уонна онтон элбэх оҕолоох, Саха сиригэр бастайааннай олорор, 35-гэр диэри саастаах эдэр ыал кытталлар. Инники өттүгэр куонкуруска кыттыбыт дьон бу сыллааҕы куонкуруска киирбэттэр.

Куонкурус бастакы түһүмэҕэ: «Дьиэ кэргэн дьолун кистэлэҥэ» – кыттааччылар бэйэлэрин дьиэ кэргэннэрин уус-ураннык (ырыа, үҥкүү, тыл жанра, о.д.а) билиһиннэриэхтээхтэр. Дьиэ кэргэн историческай ыспыраапкатын (билсии, ыал буолууну регистрациялааһын, оҕо төрөөһүнэ, о.д.а) көрдөрүөхтээхтэр. Киэргэтиигэ улахан болҕомто ууруллуоҕа. Омук культуратын, үгэһин туһаныы, дьиэ кэргэн ис тутулун толору арыйыы, толоруу эриэккэс көстүүлээх буолуута биһирэнэр. Манна 5 мүн. бэриллэр.

Иккис түһүмэх. «Билиигэ-көрүгэ викторина» – болдьоммут кэмҥэ сөптөөх хоруйу биэрии ахсаана аахсыллар. Ыйытыктар ис хоһоонноро «Семейные традиции якутов», «Обряды и ритуалы Якутии», «Общая эрудиция».

Үһүс түһүмэх: «Физкультура уонна спорт – чөл олох төрдө» - (гимнастика, аэробика, фитнес, акробатика, о.д.а). Спортка анаммыт нүөмэри хатыламмат гына көрдөрүү үчүгэйдик сыаналаныа (1-2 мүн.)

Төрдүс түһүмэх : «Эппиэтинэстээх буолуу — дьиэ кэргэн ситиһиитин төрдө» уонна бэһис түһүмэх : «Красота и гармония» – киэһээҥи таҥаһынан дефиле.

«Тыа сирин ыала - 2014» республикатааҕы куонкуруска республика тыатын сиригэр олорор 3 уонна онтон элбэх оҕолоох ыала кыттар. Куонкурус икки турдаах Бастыкы тур ыал олорор сиригэр, онтон улууска ыытыллар (2014 сыл бэс ыйын 1 күнүгэр диэри). 2 тур – республикатааҕы куонкурус бэс ыйын 25 күнүгэр буолар.

"Куорат ыала - 2014" эмиэ икки турга араарыллан (олорор сиригэр бэс ыйын 15 күнүгэр диэри уонна республикатааҕы куонкурус 2014 сыл бэс ыйын 25 күнүгэр) ыытыллар. Манна куоракка олохтоох 3 уонна онтон элбэх оҕолоох ыал кыттар.

Ыччат уонна дьиэ кэргэн дьыалаларыгар министиэристибэтигэр Дьокуускай к. Ленин проспегар, 4/2, аадырыска, 309 кабинекка, эбэтэр приемнай 8(4112) 42-27-93 ыччат политикатын салайыы отделын 42-02-55 дьиэ кэргэн уонна демографическай политика отделын 34-43-59 телефоннарынан билсиэххитин сөп.