Күрэхтэһии бастакы күнүгэр 57, 61 уонна 65 кг. ыйааһыннаах тустууктар күөн көрүстүлэр. Саамай чэпчэки 57 кг ыйааһыҥҥа Саха сирин икки студена Христофор Потапов  иккис миэстэни ылары ситистэ. Кини бүтэһик хапсыһыыга Солс-Хаджи Яхъяевка  0:3 ахсаанынан баһыйтарда. Василий Никифоров боруонса мэтээли ылла.

Томпо оройуонуттан төрүттээх, билигин ЦСКА иитиллээччитэ Виктор Степанов үрүҥ көмүс мэтээлгэ тигистэ. Үс хапсыһыытыгар барытыгар 10:0 ахсаанынан кыайда. Финалга улахан утарсыһыылаах күөн көрсүүгэ Степанов 8:10 ахсаанынан Россия студеннарын ортолоругар чемпионнаабыт  Руслан Ахмедовка хоттордо.

Ол да буоллар кини Дьокуускайга буолар Россия чемпионатыгар путевканы тутта. Бу кини спортивнай суолугар улахан дьон ортотугар бастакы күрэхтэһиитэ буолуоҕа. Кини Москва ЦСКА-тын сүүмэрдэммит хамаандатыгар киирэн Кисловодскай куоракка эрчиллэ барыаҕа.

Күрэхтэһии иккис күнүгэр, бүгүн, саха тустуутун биир бэрэстэбиитэлэ 70 кг диэри ыйааһыҥҥа  Тимур Николаев көбүөргэ тахсыаҕа.

Чемпионнар уонна бириистээх миэстэлэри ылбыттар:

57 кг

1. Солс-Хаджи Яхъяев (СШОР-95)

2. Христофор Потапов (Олимп)

3. Магомед Джантаев (СШОР-95) уонна  Василий Никифоров (Олимп)

61 кг

1. Рустам Муртазалиев (Витязь)

2. Анвар Кинчуев (Олимп)

3. Эльмир Гашеми (Юн.Москвы) уонна Адам Адамов (СШОР-95)

65 кг

1. Руслан Ахмедов (Витязь)

2. Виктор Степанов (СШОР-64 - ЦСКА)

3. Айнар Лабза (СШОР-64) уонна Ратмир Керефов (СШОР-64).