Сэрии толоонугар хааннарын тохпут саллааттарга, кинилэр кэргэттэригэр, оҕолоругар сүрэхтэригэр умнуллубат баас буолан хааллаҕа. Сылтан сыл Аҕа дойду сэриитигэр хааннарын тохпут ытык дьоммут аҕыйаан иһэллэр. Ийэ сирбитин көмүскээн олохторун толук уурбут саллааттарга анаан, кинилэр ааттарын умнубат туһуттан Кыайыы болуоссатыгар “Өйдүүбүт” диэн сурукка чүмэчи уурдубут. Манна уон тыһыынчаттан тахса ыччат, куорат олохтоохторо кытыннылар. Сылтан сыл киһи ахсаана элбээн иһэр.

Эдэр дьон сэрии хонуутугар охтубут эһэлэрбитин, хос эһэлэрбитин санааммыт чүмэчи уурабыт, чуумпуран тура туһэбит, кинилэр хорсун быһыыларыгар сүгүрүйэбит. Хас биирдии киһи илиитигэр чүмэчитин “өйдүүбүт"  диэн сурукка уурда. Манна оҕолор, эдэр дьон элбэхтэрэ үөрдэр. Маннык тэрээһиннэр, бастатан туран, кинилэргэ анаммыттар. Кинилэр умнубаттарын, сүгүрүйэллэрин туһугар. Кыайыы 100 сылыгар бу оҕолор бэйэлэрин оҕолорун, сиэннэрин илдьэ кэлиэхтэрэ.

Тыһыынчанан киһи чүмэчи тутуурдаах Аҕа дойду Улуу сэриитигэр охтубут буойуттары ахтан санаан аһардылар. “үйэ саас тухары эһиги хорсун быһыыгытын умнуохпут суоҕа” диэн санаалаах тарҕастылар.